Arvadının hesabına 5 milyon köçürdü
Victoria Beckham maliyyə baxımdan çətin günlər yaşayır.
Ölkə.Az xarici KİV-ə istinadən xəbər verir ki, Victoria Beckhamın öz adını daşıyan moda şirkəti keçən ildə 3,8 milyon sterlinq zərərlə bağlanıb.
Çətin bir dövr keçirən Victoriaya kömək əlini əri David Beckham uzadıb. Eks-futbolçu arvadının şirkətinin hesabına 5.2 milyon sterlinq köçürüb.
Qeyd edək ki, Beckham ailəsinin ümumi sərvəti 470 milyon sterlinqdir. David Beckham futbolu buraxdıqdan sonra qazancı daha da artıb. Yaşıl meydanların köhnə ulduzu moda və iş sektorunda fəaliyyət göstərir. İllik gəliri isə 50 milyon sterlinqdir.
