"Taliban" Pakistandakı terror aktını öz üzərinə götürdü
Dünən Pakistanın Lahor şəhərində uşaq parkı yaxınlığında baş vermiş terror aktına görə məsuliyyəti "Taliban" qruplaşması öz üzərinə götürüb.
Pasxa bayramını qeyd edən və əksəriyyətini xristianların təşkil etdiyi minlərlə insan birdən birə nə baş verdiyini anlaya belə bilməyiblər.
Ölkə.az xəbər verir ki, terrorçu-kamikadzenin əsasən uşaq və qadınların dincəldiyi Luna parkın yaxınlığında özünü partlatması nəticəsində son məlumatlara görə 69 nəfər faciəli şəkildə dünyasını dəyişib və yüzlərlə insan, çoxu uşaq və qadın yaralanıb.
Xatırladırıq ki, ölkədə 3 günlük matəm elan edilib.
