Bakı və Gəncədə Türkiyə universitetlərinin sərgisi olacaq
“Akademi Group” Xaricdə Təhsil Mərkəzi Azərbaycanın iki şəhərində, Bakı və Gəncədə böyük təhsil sərgiləri təşkil edəcək.
Ölkə.Az xəbər verir ki, aprelin 2-3-də 12:00-dan 17:00-dək Bakıda Park Inn Hotelində 20-dən çox Türkiyə universitetinin və yataqxanaların iştirakı ilə növbəti xüsusiləşmiş təhsil sərgisi təşkil olunacaq.
“Akademi Group” Təhsil Mərkəzi tərəfindən təşkil olunacaq sərgidə tələbələrə yüksək keyfiyyətli təhsil imkanı, yataqxanalar və digər məsələlər barədə ətraflı məlumat veriləcək, Türk universitetlərində pulsuz təhsil imkanları haqda da təqdimatlar keçiriləcək.
Əlavə olaraq, sərgi müddətində seminarların keçirilməsi də nəzərdə tutulur.
Bundan əlavə qeyd etməliyik ki 5 aprel tarixində üçüncü dəfə olaraq Gəncədə Türkiyə universitetlərinin təhsil sərgisi təşkil olunacaq. Sərgi 12:00-17:00-dək Ramada Plaza hotelində təşkil ediləcək. Həmin sərgidə Türkiyənin bir çox dövlət və vəqf universitetləri təmsil olunacaq. Hər iki sərgidə Türkiyə səfirliyinin və həmin ölkənin təhsil müşavirliyinin iştirakı da nəzərdə tutulur.
Qeyd edək ki, sərgidə iştirak ödənişsizdir.
Sərgidə iştirak etmək üçün qeydiyyat formunu doldurun.
//www.akademi.az/turkiyədə-təhsil/online_qeydiyyat
Qeydiyyat formunu doldurmayanlar birbaşa sərgi girişində qeydiyyatdan keçə bilərlər.
Sərgilərdə Boğaziçi Universiteti, Bahçeşehir Universiteti, İstanbul Aydın Universiteti, Beykent Universiteti, Uluslararası Kıbrıs Universiteti, Celal Bayar Universiteti, Bilkent Universiteti kimi bir çox məşhur universitetlər iştirak edəcəklər.
