Cüdoçularımız üçün son 40 gün

Azərbaycanın cüdo yığması mayın 6-8 aralığında Bakıda, Ümummilli lider Heydər Əliyevin xatirəsin əhəsr olunmuş beynəlxalq turnirə hazırlaşır.

Bu barədə Ölkə.az-a Cüdo Federasiyasının yarışların təşkili və keçirilməsi sektorunun rəhbəri Ağayar Axundzadə məlumat verib. Axundzadə bildirib ki, idmançıların hazırlığı plan üzrə gedir.
Qeyd edək ki, sözügedən yarış həm də olimpiya oyunlarına lisenziya xarakterlidir.
Xatırladaq ki, Ağayar Axundzadə uzun müddət Azərbaycan cüdo millisinin baş məşqçisi olub. Son iyirmi ildə cüdoda ən böyük uğurumuz (Elnur Məmmədlinin olimpiya çempionu olması) da məhz onun rəhbərliyi altında qazanılıb.

İntiqam VALEHOĞLU
Ölkə.Az