Əsədin ən məşhur komandirlərindən biri öldürüldü
Suriyada davam edən daxili müharibə getdikcə daha da qızışır.
Ölkə.az xəbər verir ki, Rusiyanın hava dəstəyindən sonra fəallaşan və irəliləyən Əsəd ordusuna "Əhrar əş-Şam" qruplaşması növbəti zərbəni endirib.
Qruplaşmanın nümayəndəsi bildirib ki, dünən gecə onlar Latakiya yaxınlığında Suriya ordusuna aid hərbi karvanı top atəşinə tutublar və çox sayda hərbçini məhv ediblər. Məlumata görə, atəşə tutulan hərbi karvanda Əsədin ən tanınmış komandirlərindən biri, "çaqqal" ləqəbli Mehrab Ural da öldürülüb.
"Əhrar əş-Şam" qruplaşmanın nümayəndəsi Əbu Yusif əl-Mühacirin iddiasına görə, hərbi karvandakı maşınlarda olan rus əsgərləri və zabitləri də məhv edilib.
Xatırladırıq ki, Mehrac Ural Türkiyənin Hatay vilayəninin reyhanlı rayonuna təşkil edilmiş bombalı hücumun müəllifi kimi tanınırdı. 1956-cı ildə Türkiyənin Antakya şəhərində doğulan Ural 1982-ci ildə Suriyaya keçərək o vaxtdan Əsəd rejiminə qulluq edib.
