Dollara tələb kəskin şəkildə azalmağa başladı
Ölkədə manat bazası azalıb.
Azərbaycanda dollara tələb kəskin şəkildə azalmağa başlayıb. Mərkəzi Bankın keçirdiyi hərracların nəticələri belə deməyə əsas verir. Səbəb nədir? Və dolların məzənnəsinə təsiri necə olacaq? Ekspertləri eşidək.
Banklar hərraclarda dollar alışını kəskin azaldıb. Martın 28-də Mərkəzi Bankı tərəfindən keçirilən hərraca Dövlət Neft Fondu tərəfindən 100 milyon dollar çıxarılsa da, onun yalnız 500 mini, cəmi 3 banka satılıb.
İqtisadçı Vüqar Bayramovun sözlərinə görə, bu gün ölkədə bu sahədə təklif tələbdən qat-qat çoxdur. Bunun da konkret səbəbi var.
Ekspertin fikrincə digər bir səbəb ölkədə dollarlaşma prosesinin səngiməyə başlamasıdır.
Digər bir tərəfdən ölkədə manat bazası azalıb. Mərkəzi Bankın məlumatına görə, son bir ildə bu sahədə düz 2 dəfə azalma müşahidə edilib. Hazırda manat bazası 5 mlrd. manatdan da azdır. (xəzər tv)
