2016-cı ildə vizyona girəcək əfsanəvi filmlər

2016-cı ildə vizyona girəcək filmlər arasında əfsanəvi filmlərin yeni buraxılışları da var.

Bu il bir çox əfsanəvi filmlər öz yeni buraxılışları ilə izləyicilərini sevindirəcək. Filmlərin bəziləri yeni aktyor heyəti və yeni formatda izləyicilərinin qarşısına çıxacaq.

Ölkə.Az bu il vizyona girəcək əfsanəvi filmlərin bəzilərinin siyahısını sizlərə təqdim edir.

Dünyaca məşhur, oskar mükafatçısı rejissor Ceyms Kameronun maraqla gözlənilən "Avatar 2" filmi axır ki sevənlərinə qovuşur. İlk buraxılışı 2009-cu ildə yayımlanan film rekord gəlir gətirərək bütün filmləri geridə buraxmağa nail olmuşdu. "Avatar 2" filminin bu ilin sonları və ya 2017-ci ildə vizyona girəcəyi açıqlanıb.

Paul Andersonun rejissorluğunu etdiyi əfsanəvi "Ölümcül Təcrübə" filminin 6-cı hissəsinin bu il vizyona girəcəyi gözlənilir. Bu buraxılışda qəhrəmanlar insan irqini yox etməkdə olan The Red Queen (Qırmızı Kraliça) planının qarşısını kəsməyə çalışacaqlar. Aksion və fantastik janrda olan filmin bu dəfəki buraxılışının son hissəsi olacağı bildirilib.

"Supermen və Betmen: Ədalətin Şəfəqi" filmi isə artıq vizyona girib. Martın 23-ü vizyona girən film DC Comics yayım şirkətinin istehsalıdır. Marvel yayım şirkəti ilə rəqabətdə olan şirkətin bu filmi böyük marağa səbəb olub. Filmin rejissoru Zak Snyderdir.

2011-ci ildə yenidən çəkilməyə başlanan "Meymunlar Cəhənnəmi" filmi bu il 3-cü və son hissəsini yayımlayacaq. Matt Rivesin rejissorluğunu etdiyi filmin bu ilin sonlarında vizyona girəcəyi gözlənilir.

Böyük maraqla gözlənilən digər film isə "Karib Dənizinin Quldurları"dır. Coni Deppin baş rolunu ifa etdiyi filmin bu dəfəki buraxılışının adı isə "Ölülər Nağıl Danışmaz" adlanır.

"Kapitan Amerika" filmi də bu il vizyona girənlər arasındadır. Kapitan Amerikadan bəhs edən hekayənin bu dəfəki buraxılışında qəhrəman Dəmir adamla (İron Man) qarşı-qarşıya gələcək.

Dan Brovnun "Cəhənnəm" kitabı əsasında çəkilən "Cəhənnəm" filminin son buraxılışının isə bu ilin sonlarında yayımlanacağı açıqlanıb.

Marvel yayım şirkəti "X-Men"in növbəti hissəsini izləyicilərinə təqdim edir. "X- Men: Qiyamət" adlanan film bu il vizyona girənlər arasındadır.

90-cı illərin sevilən əyləncəli filmi "Ruh Ovçuları" bu dəfə tamam fərqli və yeni komandayla izləyicilərin qarşısına çıxır. Filmin baş rolları bu dəfə qadınlara həvalə edilib.

Bu il vizyona girəcək filmlər arasında "Buz Dövrü" animasiya filmi də var. Bu dəfəki buraxılışda filmin əyləncəli qəhrəmanı Skratın kosmosda başına gələnlərdən bəhs edilir.