“Azərbaycan ordusu onların başını əzir və indi...”
“Bir neçə gün Azərbaycan ordusu özünü çox təmkinlə aparırdı, mən də göstəriş vermişdim ki, təxribatlara uymayaq. Ancaq bundan sonra düşmən daha da azğınlaşdı, hərbi helikopterləri işə salmışdı. Azərbaycan ordusu da bu helikopterin birini məhv etdi. Bu, Ermənistana lazım idi. Lazım idi desinlər ki, Azərbaycan atəşkəsi pozur. Azərbaycan özünü aqressiv aparır və sairə”.
Ölkə.Az xəbər verir ki, bu sözləri prezident İlham Əliyev dünən Təhlükəsizlik Şurasının təcili toplantısında deyib.
Dövlət başçısı qeyd edib ki, Azərbaycana qarşı təxribat indi də davam edir:
“Əsgərlərimiz, hərbçilərimiz həlak olurlar. Ondan sonra, Azərbaycan ordusu onların başını əzir və indi dünyaya hay-haray çəkirlər ki, Azəbaycan atəşkəsi pozur. Biz atəşkəsi pozmamışıq. Biz sadəcə olaraq təxribata layiqli cavab vermişik. Və nə qədər ki, Ermənistan bu təxribatçı əməllərdən əl çəkmir Azərbaycan ordusu onları cəzalandıracaq. Ermənistanın əsas məqsədi status-kvonun dəyişməz qalmasıdır. Əfsuslar olsun ki, Minsk qrupuna həmsədrlik edən dövlət başçılarının çoxsaylı bəyanatları Ermənistan rəhbərliyinə heç bir təsir göstərmir. Bəyanatlarda bildirilir ki, status-kvo dəyişməlidir, tezliklə məsələ öz həllini tapmalıdır. Status-kvonun ləğvi o deməkdir ki, ermənilər işğal altındakı torpaqlardan çıxmalıdırlar. Ermənistan bunu istəmir. Onlar istəyirlər ki, danışıqlar bundan sonra da 20 il davam etsin. Bu yaxınlarda Rusiya prezidenti və Rusiya XİN rəhbəri müəyyən təkliflər irəli sürüblər. Biz bunu alqışlayırıq”. (Qafqazinfo)
