Bakıda 150.000 m³ qaz olan quyu

SOCAR-AQŞ "Günəşli" yatağındakı 13 saylı stasionar dəniz özülündən 33 saylı quyuda qazma işlərinə başlayır. 

Ölkə.Az-a məlumatına görə, bu barədə SOCAR-AQŞ-nin mətbuat xidmətindən bildirilib.

33 saylı quyunun Qırmaki Altı Lay Dəstəsinə (FLD) qazılması planlaşdırılıb və quyunun layihə dərinliyi 3 500 metr təşkil edir. Lahiyələndirilən quyunun illik plana görə, sınaq hasilatının 15 ton kondensat və 150.000 m³ qaz həcmində olacağı gözlənilir.

Məlumatda bildirilir ki, “SOCAR-AQŞ növbəti quyuları da sağlamlıq, texniki təhlükəsizlik və ətraf mühitin mühafizəsi tələblərinə uyğun, heç bir mürəkkəbləşməyə yol vermədən tikərək təhvil verəcək.

Qeyd edək ki, quyunun qazılması ARDNŞ-in "Azneft" İstehsalat Birliyi tərəfindən sifariş edilib.

Ölkə.Az