Erməni hakerlər “Kaspi” qəzetinin saytına hücum etdi
Aprelin 4-dən 5-ə keçən gecə kaspi.az saytına erməni hakerlər tərəfindən hücum olub.
Bu barədə Ölkə.Az-a qəzetin baş redaktoru İlham Quliyev məlumat verib. Onun sözlərinə görə, hakerlər saytı dağıdıb, səhifələrdə guya Azərbaycana məxsus olan öldürülmüş əsgərlərin meyitlərinin şəkillərini paylaşıblar.
Saytın texniki heyəti tərəfindən dərhal hücumun qarşısı alınıb. Səhər saatlarında saytın fəaliyyəti bərpa edilib. Hazırda arxiv materiallarının bərpası istiqamətində işlər davam etdirilir.
Xatırladaq ki, kaspi.az saytı "Kaspi” qəzetinə məxsusdur. Sayt 3 dildə - Azərbaycan, ingilis və rus dillərində xəbərlər yayır. Sayt bir neçə gündür cəbhə bölgəsində gedən döyüşlərlə bağlı məlumatlar yayırdı. Hücumların da bununla bağlı olduğu ehtimal edilir.
