Səfir: ABŞ bütün sahələrdə Azərbaycanla əməkdaşlıqda maraqlıdır
Azərbaycan Prezidenti İlham Əliyevin IV Nüvə Təhlükəsizliyi Sammitində iştirak etmək üçün Vaşinqtona səfəri iki ölkənin münasibətlərində tərəqqini möhkəmləndirdi.
Ölkə.Az Trend-ə istinadən xəbər verir ki, bunu jurnalistlərə ABŞ-ın Azərbaycandakı səfiri Robert Sekuta deyib.
Onun sözlərinə görə, bu səfər və Prezident İlham Əliyevin ABŞ-ın ali rəhbərliyi ilə görüşlərinin yekunu üzrə Vaşinqtondan bəyanat müsbət olub.
Diplomatın sözlərinə görə, bu, irəliyə doğru müsbət addımdır: "Bu görüşlər gələcək əməkdaşlıq üçün müsbət şərait yaratdı".
R.Sekuta əlavə edib ki, ABŞ bütün sahələrdə, o cümlədən təhlükəsizlik, iqtisadiyyat, energetika, demokratiya və insan haqları sahələrində Azərbaycanla əməkdaşlığın inkişafında maraqlıdır: "Bundan başqa, ABŞ Azərbaycanın rifahının artması və iqtisadiyyatın şaxələndirilməsi məqsədilə rəsmi Bakı ilə birgə işləməkdə maraqlıdır".