İspanyadan İsrailə qadağa

İspaniya İsrailə silah satışını dayandırıb. 

İspaniya rəsmi orqanları bu addımı İsrailin Qəzzaya hücumları ilə əlaqədar atdığını bildirib.

Yeni qərara əsasən. İsrailə mövcud vəziyyətdə silah-sursat satılmayacaq. İspaniya tərəfindən təhvil verilməsi gözlənilən hərbi materialların təslim edilməyəcəyi, eyni zamanda silah satışına yeni lisenziya verilməyəcəyi açıqlanıb. 

Qərarın İspaniya Xarici İşlər, Ticarət və Müdafiə Nazirliklərinin birgə toplantısında verildiyi qeyd edilib.

Qeyd edək ki, ötən il İspaniyadan İsrailə 4,9 milyon avroluq hərbi vəsait satılıb. İsrailə ixrac edilən materiallar daha çox tapança, bomba fitili və s. silahlardır. 

İspaniya daha öncə də hərbi müdaxilələr zamanı Misirə, Liviyaya və Venesuelaya silah satışını dayandırıb./anspress/

Ölkə.Az