İlham Əliyev fərman imzaladı

Prezident İlham Əliyev “Avtomobil nəqliyyatı haqqında” Azərbaycan Respublikası Qanununun tətbiq edilməsi barədə” fərmanında dəyişikliklər edib.

Ölkə.Az AzərTAc-a istinadən xəbər verir ki, “Avtomobil nəqliyyatı haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2008-ci il 4 iyul tarixli 792 nömrəli Fərmanında aşağıdakı dəyişikliklər edilib:

1.1. 2.2-ci bənddən “və 59-cu” sözləri çıxarılsın;

1.2. 2.3-cü bəndin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 2.4-cü bənd əlavə edilsin:

2.4. həmin Qanunun 59-cu maddəsində “müvafiq icra hakimiyyəti orqanı” dedikdə Azərbaycan Respublikasının Daxili İşlər Nazirliyi və Azərbaycan Respublikasının Nəqliyyat Nazirliyi nəzərdə tutulur.”.

2. Azərbaycan Respublikasının Nazirlər Kabineti avtomobil nəqliyyatı ilə sərnişin və yük daşımalarına görə vergi ödənilməsi qaydalarının təkmilləşdirilməsi, habelə həmin qaydaların pozulmasına görə inzibati məsuliyyətin müəyyən edilməsi ilə əlaqədar təkliflərini üç ay müddətində hazırlayıb Azərbaycan Respublikasının Prezidentinə təqdim etsin.