Putin Özbəkistanın 865 milyon dollar borcunu sildi
Rusiya prezidenti Vladimir Putin Özbəkistanın 865 milyon dollar borcunun silinməsi barədə razılaşmanın ratifikasiya olunması barədə qanunu imzalayıb.
25 martda Rusiya Dövlət Duması, 30 martda isə Federasiya Şurası tərəfindən təsdiqlənən qanun layihəsi aprelin 5-də Putinin imzalaması ilə qüvvəyə minib.
Rusiya prezidentinin 2014-cü ilin dekabrında Daşkəndə rəsmi səfəri çərçivəsində imzalanan müqavilədə SSRİ-nin süqutu ilə bağlı qarşılıqlı iddiaların və Özbəkistanın 1992-1993-cü illərdə aldığı kreditlərlə bağlı iddiaların nizamlanması nəzərdə tutulub.
Özbəkistanın SSRi-də Almas Fondundankı payından imtina etməsi ilə Rusiya onun 865 milyon dollar borcunu silib. Yeni qanunun qəbulundan sonra isə Özbəkistan Rusiyaya sadəcə 25 milyon dollar borc ödəyəcək. (Qafqazinfo)
