Millət vəkili nazirlikdəki vəzifəsindən çıxarılıb
Millət vəkili, Azərbaycan Dövlət Bədən Tərbiyəsi və İdman Akademiyasının sabiq rektoru Ağacan Əbiyev Gənclər və İdman Nazirliyi Kollegiyasının üzvlüyündən çıxarılıb.
Ölkə.Az APA-ya istinadən xəbər verir ki, bu, Nazirlər Kabinetinin “Azərbaycan Respublikası Gənclər və İdman Nazirliyinin kollegiyasının tərkibi haqqında” 2006-cı il 14 iyun tarixli 144 nömrəli qərarına etdiyi dəyişiklikdə əksini tapıb.
Gənclər və İdman Nazirliyi Aparatının sabiq rəhbəri Fuad Hacıyev isə yeni statusda, Azərbaycan Dövlət Bədən Tərbiyəsi və İdman Akademiyasının rektoru kimi nazirliyin Kollegiyasında yenə də üzv kimi təmsil olunacaq. Gənclər və İdman Nazirliyi Aparatının yeni rəhbəri Rüfət Həsənov da Kollegiyanın üzvü təsdiqlənib.
Qərar aprelin 6-dan qüvvəyə minib.
