Əməkdar artistdən sərt sözlər: "Əsgər yoldaşını torpağa tapşıran əsgərin qol götürüb oynamasının adı nədir?"

 Əməkdar artist Lalə Məmmədova cəbhə xəttinə səfər edən həmkarlarına müraciət edib.

Ölkə.Az-ın məlumatına görə sənətçi onları diqqətli olmağa çağırıb:

"Əziz sənət yoldaşlarım, internetdə sizin cəbhə bölgəsinə səfərləriniz və şadyanalığı seyr edirəm. Bu, Azərbaycan əsgərinə dəstək deyil. Bu, canını bizim uğrumuzda şəhid edənlərə və onların ailələrinə hörmətsizlikdir. Səhər əsgər yoldaşını torpağa tapşıran əsgərin qol götürüb oynamasının adı nədir? Etməyin! Mübarizə, dəstək belə primitiv yolla deyil, daha sivil və məntiqlə olmalıdır".

Xatırladaq ki, cəbhə xəttindəki baş verən son hadisələrdən sonra bir qrup sənətçi həmin əraziyə üz tutaraq, videolar, fotolar çəkərək onları sosial şəbəkədə paylaşıb. Bu isə həm sosial şəbəkə istifadəçiləri, həm də bəzi sənət nümayəndələri tərəfindən birmənalı qarşılanmayıb.

İntiqam VALEHOĞLU
Ölkə.Az