Ərdoğan vəsiyyətini açıqladı

Türkiyədə prezidentliyə namizəd və baş nazir Rəcəb Tayyib Ərdoğan ötən gün İstanbuıun Maltəpə rayonunda keçirdiyi mitinqdə qeyri-adi açıqlamalarla çıxış edib. 

Maltəpədə dəniz doldurularaq yaradılan 1 milyon 250 min kvadrat metrlik meydanda “Vida” adlı mitinqdə çıxış edən Ərdoğan vəsiyyətini açıqlayaraq mitinq iştirakçılarını ağladıb. Çıxışına “İstiqlal marşı” adlı dövlət himninin 10 bəndini oxuyaraq başlayan baş nazir arzusunun bu şəhərdə basdırılmaq olduğunu deyib. 

"Bu gün İstanbula, sizlərə vida etmirəm. Allah təqdir etsə doğulduğum bu şəhərdə vəfat etmək, heç olmazsa bu şəhərə dəfn edilmək mənim ən böyük arzum və ən böyük vəsiyyətimdir. 

Prezident seçkisi öncəsində baş nazirlikdən və AKP sədrliyindən istefa etməsi gözlənilən Ərdoğan partiya silahdaşlarından da halallıq istəyib. Baş nazir, “Haqqınızı halal edin!” – deyərək çıxışını başa vurub. 

Xatırladaq ki, ötən axşam prezident seckisinə 1 həftə qalmış İstanbul Maltəpədə keçirilən mitinqde 100 minlərlə seçici iştirak edib./anspress/

Ölkə.Az