Rusiyada ardıcıl partlayışlar
Xəbər verdiyimiz kimi Rusiyanın Stavropol şəhərində terror aktı baş vermişdi.
Ölkə.Az-ın əldə etdiyi son məlumatlara görə, Stavropoldakı terror aktından sonra şəhərdəki bütün dövlət idarələri bağlanıb. Yerli əhaliyə hələlik evlərini tərk etməməklə bağlı xəbərdarlıq edilib.
Xatırladırıq ki, Stavropol Rusiyanın ən narahat bölgələrindən olan Şimali Qafqazda yerləşir və regionda dəfələrlə qanlı terror aktları törədilib.
Qeyd edək ki, bundan əvvəlki terror aktlarını İŞİD terror təşkilatının Şimali Qafqaz özəyi öz üzərinə götürmüşdü.
İnformasiyaya görə, partlayışı 3 nəfərdən ibarət terrorçu-kamikadze qrupu törədib. Terror aktı polis idarəsinin qarşısında baş verib. Ümumilikdə 5 partlayış baş verdiyi bildirilir.
Partlayış nəticəsində yalnız terrorçuların özlərinin öldükləri bildirilir. Yerli əhali arasında arasında xəsarət alanlar yoxdur.
