Quba sakini öz ixtiraları ilə yaponlara meydan oxuyur
Quba sakini robotlar hazırlayıb.
Məsafədən avtomobil işə salan cihaz, 3D formatlı ev kinoteatrı və kiçik həcmli robotlar.
Qubanın Əliməmmədoba kənd sakini 39 yaşlı Valeh Zahirovda texnika ilə işləmək həvəsi uşaqlıqdan yaranıb. Son bir ildə isə qəhrəmanımız müxtəlif robotların, təhükəsizlik və avtomatlaşdırma sistemlərini yaradılması ilə məşqul olub.
Valeh Zahirovun hazırladığı bu qurğu təkcə avtomobili işə salmır. Onun köməkliyi ilə bağdakı su nasosunu da işlək vəziyyətı gətirmək və ya söndürmək olar. Onun sözlərinə görə, qurğunun üzərində görüləcək çox iş var. Hazırda bu qurgunun işə düşməsi üçün az da olsa insan müdaxiləsi tələb olunursa, təkmilləşdirmədən sonra insan amili tamamilə aradan qalxacaq. Qəhrəmanımızın hazırladığı digər bir cihaz isə proyektordur. Onun köməkliyi ilə hətta 3D formatında filmələr izləmək olar.
Kinoteatrın hazırlanması üçün demək olar ki, heç bir xərc çəkilməyib. Cihazda olan bütün hissələr istifadəyə yararsız texniki avadanlıqlardan çıxarılıb. Valeh Zahirov başqalarının lazımsız bildiyi ehtiyat hissələrə, texniki avadanlıqlara yeni nəfəs verir və bu işdən zövq aldığını deyir.
Valeh Zahirov gələcəkdə ev işlərində kömək edəcək robot da hazırlayacağını deyir. O, həmçinin əl işlərindən ibarət sərginin təşkilini də planlaşdırır. (Region TV)
