"Bavariya" yarımfinalda, "Barselona" mübarizəni dayandırdı
Çempionlar Liqasında 1/4 final mərhələsinə yekun vurulub.
Keçirilən iki oyunla daha iki yarımfinalçının adı bəlli olub.
Madridin “Atletiko” klubu öz meydanında “Barselona”nı qəbul edib. İlk oyunda Kataloniya klubu 2:1 hesablı qələbə qazandığından şanslar bərabər qiymətləndirilirdi. Lakin gözlənildiyinin əksinə olaraq "Barselona" bu oyunda rəqibinə müqavimət göstərə bilməyib. Madridlilər 2:0 hesablı qələbə ilə yarımfinala vəsiqə qazanıb.
Digər oyun Portuqaliyada baş tutub. Burada “Benfika” “Bavariya”nı qəbul edib. Oyun 2:2 hesablı bərabərliklə başa çatıb. İki oyunun nəticəsinə görə, yarımfinala "Bavariya" yüksəlib.
Qeyd edək ki, digər yarımfinalçılar "Mançester Siti" və Madrid "Real"ıdır. (Qol.az)
13 aprel
Çempionlar Liqası, 1/4 finalın cavab oyunları
22:45. "Atletiko" (Madrid, İspaniya) - "Barselona" (İspaniya) - 2:0
Qol: Qrizmann, 36 (1:0), 88-pen.
İlk oyun - 1:2
22:45. "Benfika" (Portuqaliya) - "Bavariya" (Almaniya) - 2:2
Qollar: Ximenes, 27 (1:0), Vidal, 38 (1:1), Müller, 52 (1:2), Taliska, 76 (2:2)
İlk oyun - 0:1