İlham Əliyevin qatıldığı zirvə toplantısı başlayır
İstanbulda keçirilən İslam Əməkdaşlıq Təşkilatı (İƏT) dövlət başçılarının Zirvə toplantısı çərçivəsində qonaqların rəsmi qarşılanma mərasimi keçirilir.
Ölkə.Az xəbər verir ki, gələn liderləri Türkiyə prezidenti Rəcəb Tayyib Ərdoğan qarşılayır.
Rəsmi qarşılanma mərasiminin 1 saat 30 dəqiqə sürəcəyi bildirilir. Daha sonra sammit işinə başlayacaq.
Toplantı Qurani-Kərimin oxunmasıyla başlayacaq.
Tədbirdən sonra isə Dolmabaxça sarayında Ərdoğan adından şam yeməyi veriləcək.
Tarixi atmosferdə keçəcək ziyafətdə 16 türk dövlətini təmsil edəcək əsgərlər də iştirak edəcək.
Sammitdə Azərbaycan prezidenti İlham Əliyev də iştirak edir.
