Bakıda ağır yol qəzası
Bakıda sürücünün ölümü ilə nəticələnən yol qəzası baş verib.
Ölkə.Az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakı şəhəri, Qaradağ rayonunda “VAZ” markalı minik avtomobilinin dairəyə çırpılması ilə nəticələnən yol-nəqliyyat qəzası baş verib.
Dərhal FHN-nin Xüsusi Riskli Xilasetmə Xidmətinin xilasediciləri hadisə yerinə cəlb olunub, avtomobildə sıxılmış vəziyyətdə qalmış sürücü, 1992-ci il təvəllüdlü Vüsal Aslan oğlu Cəbrayılzadənin cəsədini avtomobildən çıxararaq aidiyyəti üzrə təhvil veriblər.
