"Kəpəz" "İnter"ə, "Neftçi" "Qarabağ"a qarşı
Bu gün Azərbaycan Premyer Liqasında XXX turun daha iki qarşılaşması baş tutacaq.
Ölkə.Az apasport.az-a istinadən xəbər verir ki, matçlardan biri Gəncədə, digəri isə paytaxtda oynanılacaq.
Əyalətdə turun ən maraqlı qarşılaşmalarından biri baş tutacaq. Meydana mükafatlara iddialı olan "Kəpəz" və "İnter" çıxacaq. Ardıcıl iki oyunda darmdağın olan Şahin Diniyevin yetirmələri əgər 3-cü yerə iddiasını davametdirmək istəyirsə, mütləq qalib gəlməlidi. Ancaq ardıcıl 4 oyunda "bankirlər"ə qol vura bilməyən qərblilərin işi bu dəfə də asan olmayacaq. Əgər "Kəpəz" bu oyunda məğlub olsa, artıq əldən çıxmış 4-cü pilləyə də ən az bir həftə qayıda bilməyəcək. Zaur Svanadzenin yetirmələri isə səfərdəki məğlubiyyətsiz oyunlarına daha birini əlavə edərək, həm 3-cü pillədə möhkəmlənməli, həm də "Zirə" ilə xal fərqini azaltmaq iddiasındadı.
Müstəqillik tarixinin bütün çempionatlarında iştirak etmiş iki klub bu turda qarşı-qarşıya gələcəklər. "Neftçi" çempion "Qarabağ"ı qəbul edəcək. İki komanda arasında prinsipiallıq qalsa da, onların az qala turnir cədvəlinin müxtəlif qütblərində məskunlaşması oyuna olan marağı azaldır. Ardıcıl qələbələri sıralayan Qurban Qurbanovun komandası növbəti çempionluğun bir addımlığındadı. Son iki ilin çempionu olan ağdamlılar 1 xal qazansa, mükafatçılar sırasında yerini təmin edəcək. Əgər "İnter" xal itirsə, "Qarabağ" ilk iki pillədən birini rəsmiləşdirəcək. "Neftçi" isə avrokuboklara vəsiqə verə biləcək 6-cı yer uğrunda mübarizədə AZAL-ı qabaqlamaq üçün lideri büdrətməlidi.
Azərbaycan Premyer Liqası
XXX tur
16 aprel (şənbə)
13:30. "Kəpəz" - "İnter"
Mövsümün əvvəlki oyunları: 0:1, 0:0, 0:1
Hakimlər: Əliyar Ağayev, Zeynal Zeynalov, Rza Məmmədov, Mahir Məmmədov
AFFA nümayəndəsi: Abas Hüseynov
Hakim-inspektor: Əhmədağa Cabbarov
Gəncə şəhər stadionu
16:00. "Neftçi" - "Qarabağ"
Mövsümün əvvəlki oyunları: 1:1, 1:0, 0:2
Hakimlər: Ramil Diniyev, Mehman Mahmudov, Knyaz Əmiraslanov, Orxan Məmmədov
AFFA nümayəndəsi: Ramiz Mustafayev
Hakim-inspektor: Rövşən Əhmədov
8-ci km qəsəbə stadionu
|
1 |
Qarabağ |
29 |
20 |
6 |
3 |
53-18 |
66 |
|
2 |
Zirə |
29 |
16 |
8 |
5 |
38-22 |
56 |
|
3 |
İnter |
29 |
13 |
9 |
7 |
27-18 |
48 |
|
4 |
Qəbələ |
30 |
12 |
10 |
8 |
35-24 |
46 |
|
5 |
Kəpəz |
29 |
12 |
9 |
8 |
35-30 |
45 |
|
6 |
AZAL |
29 |
11 |
6 |
12 |
22-28 |
39 |
|
7 |
Neftçi |
29 |
10 |
8 |
11 |
28-31 |
38 |
|
8 |
Sumqayıt |
29 |
6 |
11 |
12 |
30-39 |
29 |
|
9 |
Xəzər Lənkəran |
29 |
3 |
5 |
21 |
12-39 |
14 |
|
10 |
Rəvan |
30 |
3 |
8 |
19 |
19-50 |
11 |
Bombardir: Nelson Bonilla ("Zirə") - 13
