Putin Krımı Las-Veqasa döndərir

Krımda qumarxanalr zonası yaradılması ilə Las-Veqasdan gələn mütəxəssisilər məşğul olacaqlar

Bunu yarımadanın rus qubernatoru Sergey Aksenov deyib. "RİA-Novosti" agentliyinin xəbərinə görə, Aksenov Krıma Asiyanın ən məşhur qumarxanalar şəhəri Makaodan (Çin) da mütəxəssislərin gəldiyini bildirib.

Məlumatda bildirilir ki, həm ABŞ həm də Çin qumarxana mütəxəssisləri yarımadada qumarxanalar və hotellər zinciri tikmək üçün ən ideal yerin Böyük Yalta olduğunu deyiblər.

Aksenov hələlik iqtisadi sanksiyaların bu prossesi başlamağa mane oduğunu, yarımada ətrafında qaynayan siyasi ehtirasların sakitləşməsindən sonra isə bu planın qısa müddətdə həyata keçiriləcəyini vurğulayıb.

Xatırladırıq ki, Krımda bu işlərin görülməi üçün Rusiya banklarının yarımadaya milyardlarla dollar sərmayə yatıracağı gözlənilir.

Ölkə.az