Bakıya işləməyə gələn 26 yaşlı gənc maşında öldü
Bakıda avtomobil təmiri sexində faciə baş verib. Orada rəngsaz işləyən 26 yaşlı gənc ehtiyatsızlıq ucbatından dünyasını dəyişib.
Ölkə.Az musavat.com-a istinadən xəbər verir ki, hadisə Xətai rayonu, S.Orucov küçəsində yerləşən avtomobil təmiri sexində baş verib.
Belə ki, sexdə rəngsaz işləyən 1985-ci il təvəllüdlü Göyçay rayon sakini Teymur Əhmədov "Hyundai" markalı avtomobildə dəm qazından boğularaq, ölüb.
Məlumata görə, 26 yaşlı gənc həmin sexdə bir müddət əvvəl işləməyə başlayıb. Gecə qalmağa yeri olmadığı üçün sexdə müştərilərdən birinə məxsus maşında yatıb. Hava soyuq olduğundan maşının mühərrikini yanırıb və qızdırıcını qoşub. Salona dolan qaz 26 yaşlı gəncin ölümünə səbəb olub.
Sexdə çalışanlar işə gələrkən T.Əhmədovun cansız bədəni ilə qarşılaşıblar.
