Güclü külək Lənkəranı işıqsız qoydu
Ölkə ərazisində hökm sürən kəskin hava şəraiti Azərbaycanın cənub bölgəsinin bir sıra ərazilərində, o cümlədən Lənkəranda böyük fəsadlar yaradıb.
Lənkəran rayon sakinləri Ölkə.az-a bildiriblər ki, günün ikinci yarısından başlayaraq hazırda cənub bölgəsində güclü külək müşahidə olunur.
Sakinlərin sözlərinə görə, bölgəyə yağan leysan yağışları nəticəsində bir sıra əraziləri su basıb.
Qasırğa nəticəsində isə yaşayış mərkəzlərinə gedən elektrik naqilləri və elektrik dirəkləri sıradan çıxıb.
Təbii fəlakət nəticəsində əhaliyə xeyli ziyan dəyib.
Elçin Əli
Ölkə.az
