İran Doha görüşünə nümayəndə göndərmir
İran bu gün Dohada OPEK-ə üzv ölkələr və üzv olmayan neft hasil edən ölkələrin toplantısına nümayəndə göndərməmək barədə qərar qəbul edib.
Bu barədə İranın neft naziri Bijan Namdar Zanqan bildirib.
Nazirin sözlərinə görə, Dohadakı görüş neft hasilatının dondurulması planında iştirak etmək istəyən ölkələr üçün nəzərdə tutulub: “İran belə bir plana imza atmayacaq, ona görə də bizim bu görüşdə iştirakımız vacib deyil”.
Qeyd edək ki, bu gün Qətərin paytaxtı Dohada neft istehsalçılarının görüşüolacaq. Onlar neft hasilatının həcminin dondurulması məsələsini müzakirə edəcəklər. Görüşdə Rusiya, Səudiyyə Ərəbistanı, İran, Qatar, Venesuela, Ekvador, Əlcəzair, Nigeriya, Oman, Küveyt, Birləşmiş Ərəb Əmirliklərinin rəsmiləri qatılacaq.
