Əməkdar artistə gələn zənglərə əri cavab verirmiş

"Hər şey daxil" verilişinin aparıcılarından biri, müğənni Sevinc əməkdar artist Tünzalə Əliyevaya (Toppuş bacı) edilən zənglərə həyat yoldaşının cavab verdiyini bildirib:

"Nə vaxt Tünzalə xanıma zəng vururuqsa, həyat yoldaşı cavab verir. Efirə çağırmaqda da heç bir problem yaranmır".

Aktrisa özü də bildirib ki, həyat yoldaşının ona qadağan etmədiyi bir sıra proqramlar var:

"Elə verilişlər var ki, orda mənə qadağa yoxdur. Ona görə fikirləşirəm ki, ayda bir dəfə bir efirə gedim, məndən inciməsinlər. Heç kim inciməsin, efirə olunan dəvətləri qəbul edə bilməməyim səhhətimlə bağlıdır. Bütün telekanallarda dostlarımız çalışır, münasibətlərimzi də yaxşıdır. Amma imtina edirəmsə, bunun başqa səbəbi yoxdur".

Xatırladaq ki, Tünzalə Əliyeva Röyal adlı bəylə ailəlidir. Aktrisanın ana olmağa hazırlaşdığı bildirilir.

İntiqam VALEHOĞLU
Ölkə.az