Xalq artistinin qızından böyük uğur

Gənc bəstəkar İlahə Qismət Azərbaycan-İsrail dostluğuna əsər həsr edib.

Bu barədə Ölkə.az-a bəstəkarın anası, xalq artisti Zümrüd Məmmədova məlumat verib. Sənətkarın sözlərinə görə, təklif İsrail tərəfdən gəlib:

"Təklif onlardan gəldi, əsər yazıldı və çox bəyəndilər. Təklif etdilər ki, özü də ifa etsin. Hətta ivrit dilində də bir bənd oxusun. Klip də çəkildi, İsraildə ilk təqdimatı oldu. Mayın 10-da isə başqa bir şəhərdə böyük təqdimat mərasimi keçiriləcək. Azərbaycanda hələ belə bir layihə olmayıb".

Xatırladaq ki, İlahə Qismət böyük Azərbaycan bəstəkarı Arif Məlikovun tələbəsidir.

İntiqam VALEHOĞLU
Ölkə.az