Məşhur aktrisa görün hansı verilişi aparacaq
Aktrisa Dünya TV-də yayımlanan “Sirriniz qalmasın” verilişini Azər Xudiyevlə birlikdə aparacaq.
Yeni işi ilə bağlı əməkdaşımızla söhbətində danışan M.Xanlarova layihə ilə bağlı məlumat verib:
“Çox maraqlı layihədir. Bəyəniləcəyinə inanıram. İlk efir artıq olub. Azər birinci buraxılışı tək aparıb. Layihəmiz təkcə Azərbaycanla kifayətlənməyəcək. Xaricdən qonaqlarımız da olacaq. Çox gəncə dəstək olmuşam. Bu verilişdə də gənc ifaçılarmıza yer veriləcək. Aparıcılıq təklifini Azərdən almışam. Bir kəlmə dedi, mən də kapriz göstərmədən razılaşdım. Verilişə gələn qonaqlar heç vaxt uduzmayacaq. Azərə dəstək oluram. Heç onunla maaş söhbəti də etməmişəm”.
A.Xudiyev layihənin digərlərindən fərqli xüsusiyyətlərini açıqlayıb:
“Uzun müddətdir Türkiyədə yaşamışam. Bir ildir Bakıdayam, böyük işlər görmüşəm. “Sirriniz qalmasın” maraqlı və fərqli layihədir. Dünya TV-də yayıma başlayıb. Yaradıcı heyət çox peşəkar insanlardan ibarətdir. Məqsədimiz hamının tanıdığı, sevdiyi ifaçıların heç kimə məlum olmayan sirrlərini açıb tamaşaçıya göstərməkdir. İlk buraxılışımızda Niyam Salami qonaq olmuşdu. Onun daş karxanasında çalışaraq ailəsini dolandırdığını açıqlamışdıq. Niyamı daş karxanaya apardıq, orada necə işlədiyini əyani sürətdə tamaşaçıya göstərdik. Verilişimizdə Flora Kərimova, Səlim Abbasov və başqa sevilən ifaçılar olub. Dünya TV-ni seçməyimizə səbəb isə xaricdə də, bölgələrimizdə də çox izlənməsidir. İlk efir günümüzdə 120 min mesaj aldıq. Bir çox kanallardan təkliflər almışdıq, amma izləndiyinə görə buranı seçdik”.
Qeyd edək ki, "Sirriniz qalmasın" həftənin bazar günü saat 22:00-da yayımlanır.
