\"Peşə Təhsili üzrə Dövlət Agentliyinin yaranması iqtisadi inkişaf tempinin artmasına xidmət edir\"
Cənab prezidentin 20 aprel 2016-cı il tarixli fərmanı ilə Azərbaycan Respublikasının Təhsil Nazirliyi yanında Peşə Təhsili üzrə Dövlət Agentliyinin yaranması ölkənin iqtisadi rifahı naminə insan resurslarından daha effektli faydalanmasına şərait yaradacaqdır. Əslində peşə təhsilinə dövlət tərəfindən bu cür diqqət göstərilməsi və yatırılan sərmayə cəmiyyət üçün yüksək gəlirliyə səbəb olacaq. Anlaşılan odur ki, digər təhsil növlərindən fərqli olaraq peşə təhsilinin sosial, iqtisadi təsir imkanları daha genişdir.
Bu fərman həmçinin cəmiyyətdə “peşə təhsillidir” stereotiplerinin sındırılmasına vəsilə oldu. Aydın görmək olarki, hər bir valideyn övladının potensialına və bazarda tələb –təklif göstəricilərinə varmadan övladının ali təhsil müəssisəsində təhsil almasını istəyir. Təsadüfi deyil ki , orta ümumtəhsil məktəb məzunlarının cəmi 12 faizi peşə ixtisas təhsil müəssisələrini seçir. Buna səbəb isə bir çoxlarının peşə təhsilinə nisbətən kinayə ilə yanaşması və bu sahədə təhsil alan gənclərə qeyri-ciddi ,yalnız diplom xətrinə iki il davamiyyət güdən kimi yanaşmalarıdır. Amma ümid edirəm ki, Agentliyin fəaliyyəti tezliklə paytaxtda xüsusəndə regionlarda peşə təhsili müəssislərinin maddi-texniki baza imkanlarının artırılmasına ,regional əmək bazarları üçün savadlı və intellektual kadrların formalaşmasına səbəb olacaq. Çünki hər bir sənət sahibi sabahın nəinki potensial əmək bazarında mütəxəssis həmdə özlüyündə işəgötürən olacaqdır.Bunun üçün isə bəlli hədəflər və spesifik modullar tətbiq olunmalıdır. Beləki regionlarda peşə təhsili həmin bölgənin mövcud imkanları və iqtisadi təlabatı ilə uzlaşmalıdır.
Bu işdə məsuliyyət təkcə Təhsil Nazirliyi üzərinə deyil , həmçinin Əmək və Əhalinin Sosial Müdafiəsi Nazirliyi , Dövlər Məşğulluq Xidmətinin , böyük biznes qurumlarının və qeyri hökümət təşkilatlarının payına düşür. Biznes qurumları öz istehsalat müəssisələrini tələbələrin ixtiyarına verməli və öz sosial məsuliyyətlərini dərk edərək biznes – dövlət partnorluğuna önəm verməlidirlər. Əmək və Əhalinin Sosial Müdafiəsi Nazirliyi də , bu prosesdə xüsusi qayğıya ehtiyacı olan , əlilliyi olan şəxslər üçün xüsusiləşmiş peşə hazırlığı proqramları işləməlidir. Əsas bu sahədə problemlərdən biri də təhsil infrastrukturunun olmaması ilə yanaşı təhsilverənlərin akademik və istehsalat təcrübələrinin uyğunsuzluğudur. Əksər hallarda müvafiq peşə sahələri üzrə yüksək istehsalat səriştəsinə sahib olan təhsilverənlər metodika,pedaqogika əsaslarından xəbərsizdirlər. Bu baxımdan peşə müəllimlərinin hazırlığı qismən təkminləşdirilməlidir.
Gənclər üçün Təhsil Mərkəzi olaraq 2015 –ci il yanvar ayının 13-dən etibarən fəaliyyət göstərdiyimiz 6 regionda “Peşə təhsili üzrə regional məsləhət və yardım xidməti” yaradılmışdır ki , bu gün bu proqram əsasında təmənnasız olaraq Ağcabədi rayonunda xalçaçılıq , toxuculuq , Füzuli rayonunda isə qadın bərbərlik,dərzi kurslarımız davam edir. Yaxın zamanda digər regionlarda da icra strukturları ilə əməkdaşlıq çərçivəsində peşəyönümlü tədris kurslarımıza start verəcəyik.
