İran ABŞ-ı oğurluqda ittiham etdi
İran hökuməti ABŞ Ali Məhkəməsinin qərarına sərt reaksiya verib.
Ölkə.Az xəbər verir ki, ABŞ Ali Məhkəməsi bu yaxınlarda 1983-cü ildə Beyrutdakı Amerika hərbi bazasına hücum zamanı ölənlərin ailələrinə 2 milyard dollar təzminat verilməsi haqda qərar çıxarmışdı. Xatırladırıq ki, 1983-cü ildə Livandakı "Hizbullah" qruplaşması Beyrutdakı ABŞ hərbi bazasına hücum etmiş və bunun nəticəsində 240 dəniz piyadası ölmüşdü.
ABŞ məhkəməsinin qərarı ilə bu ölkədəki İran banklarının dondurulmuş aktivlərinin 2 milyard dollarlıq hissəsi müsadirə olunaraq 1983-cü ildə Livanda öldürülmüş dəniz piyadalarının yaxınlarına veriləcək.
İran hökuməti ABŞ-ın bu addımını "oğurluq" adlandırıb.
