Dövlət Departamenti: Krım Tatar Məclisinin qadağan olunması yolverilməzdir
ABŞ Dövlət Departamenti Rusiya Ədliyyə Nazirliyinin Krım Tatar Məclisini qadağan etməsi qərarına rəsmi münasibət bildirib.
Ölkə.Az xəbər verir ki, Dövlət Departamenti Krım Tatar Məclisinin ekstremist qurum elan edilməsindən bərk narahatlıq keçirdiklərini bəyan edərək Moskvanı bu qərarı dəyişməyə çağırıb.
"Biz Rusiyanı və Krımın hazırkı hakimiyyətini bu yaxınlarda çox demokratik institut olan Krım Tatar Məclisi haqqında çıxardığı qərarı ləğv etməyə çağırırıq", deyə ABŞ Dövlət Departamentinin sözçüsü Con Kirbi bildirib.
