Ziya Məmmədov Lerikdə vətəndaşları qəbul etdi
Prezident İlham Əliyevin göstəriş və tövsiyələrinə müvafiq olaraq nəqliyyat naziri Ziya Məmmədov aprelin 22-də Lerikdə qəbul keçirib.
Nəqliyyat Nazirliyindən Ölkə.Az-a daxil olan məlumata görə, nazir Lerik şəhərində Astara, Lənkəran və Lerik rayonlarında yaşayan vətəndaşları qəbul edib.
Müraciətlər əsasən, Astara şəhərində şəhərdaxili sərnişindaşımanın müasir tələblər səviyyəsinə yüksəldilməsi üçün tədbirlərin görülməsi, Astarada müasir tipli yeni avtovağzal binasının tikilməsi, Lənkəran-Gəncə və Lənkəran-Mingəçevir marşrut xəttinin bərpası, Lənkəran-Osaküçə marşrut xəttinə əlavə sərnişin avtobusunun ayrılması, Lerikdə müasir tipli avtovağzal binasının tikilməsi, Lerik-Orand avtomobil yolunun əsaslı təmiri, Noda-Xanagah avtomobil yolunda dayandırılmış təmir işlərinin bərpası üçün müraciətin aidiyyəti quruma çatdırılmasından ibarət olub.
Qəbul zamanı qaldırılan məsələlərin bəziləri yerindəcə həllini tapıb. Vətəndaşların digər müraciətləri ilə bağlı nazirliyin aidiyyəti qurumlarının rəhbərlərinə tapşırıqlar verilib.
Nazirliyin səlahiyyətlərinə aid olmayan müraciətlər isə müvafiq təşkilatlara çatdırılıb.
