Hitlerin ad günündə Almaniyada printerlər “qiyam etdi”
Universitetlər hüquq-mühafizə orqanlarına müraciət ediblər.
Almaniyada Adolf Hitlerin ad günündə bütün ölkə universitetlərinin printerləri antisemit məzmunlu vərəqələr çap etməyə başlayıb.
Ölkə.Az Lenta.ru-ya istinadən xəbər verir ki, bu barədə “The New York Times”məlumat yayıb.
Ali məktəblərin rəhbərlərinin fikrincə, “aparatların qiyamının” arxasında hakerlər dayanıb. Hücuma Hamburq, Lyuneburq və Tyubingen də daxil olmaqla 10 universitet məruz qalıb.
“Avropa oyan!” sərlövhəsi ilə çap edilən vərəqələrdə Yaxın Şərq ölkələrindən kütləvi qaçqın axınından danışılır. “Avropanı düşmən yadellilərin basdığı” iddia edilir, eləcə də sabiq Avropa fürrerinin sözlərindən sitatlar gətirilir.
Universitetlər hüquq-mühafizə orqanlarına kompüter şəbəkələrinin hakerlər tərəfindən dağılmasına dair şikayətlə müraciət ediblər.
Bu ilin mart ayında Amrikanın pristonunda buna bənzər hadisə baş vermişdi. Orada da Hamburq universitetində çap olunan vərəqələrlə eyni məzmunlu və #dailystormer həştəq ilə çap olunmuşdu. Söhbətin eyni qrupun fəaliyyətindən getdiyi istisna edilmir.
