Birincilərin əl işlərinin sərgisi keçirildi
Məktəblilər rəsm sərgisi keçirib
Ölkə.Az xəbər verir ki, Bakı şəhəri Xəzər rayonu Ə.Quliyev adına 121 saylı tam orta məktəbdə tədbir baş tutub. Məktəbin ibtdai sinif müəllimi Gülər Hüseynovanın rəhbərliyi ilə təşkil olunmuş rəsm sərgisi keçirilib. Sərgidə Azərbaycan Rəssamlar İttifaqının üzvü, "Gənc və Əlil rəssamlar birliyi"nin sədri Şəmsəddin Böyükduzlu Əliyev və onun tələbələri olan gənc və istedadlı rəssamlar, məktəb rəhbərliyi, valideyn, həmçinin şagirdlər iştirak edib. Sərgidə 1-ci sinif şagirdlərinin çəkdiyi rəsmlər, eləcə də dəvət olunmuş peşəkar rəssamların rəsm əsərləri nümayiş olunub.
Şəmsəddin Əliyev öz çıxışında bu sənətin dərinliklərindən bəhs edib. Eyni zamanda o, zalda əyləşənlərin suallarını da cavablandıraraq bu sahə ilə bağlı maraqlı məqamlara toxunub. Sərgi zamanı məktəb şagirdləri və sərgiyə dəvət olunmuş rəssamlar canlı rəsm çəkiblər. Şagirdlərin əməyi yüksək qiymətləndirilərək, sərginin sonunda onlar təltifnamə alaraq "balaca rəssam" adına layiq görülüblər.
Sərgi bütün iştirakçılar tərəfindən maraqla qarşılanıb. Sonda 121 saylı tam orta məktəbin direktoru Akif Abdullayev çıxış edərək sərgidə iştirak edən və sərginin təşkilində əməyi olan hər kəsə təşəkkür edib.
