Müdafiə Nazirliyi Seyran Ohanyana xəbərdarlıq etdi
Ermənistanın müdafiə naziri Seyran Ohanyanın münaqişənin həlli ilə bağlı Azərbaycana güzəştə getməmək mülahizələrinə Müdafiə Nazirliyindən aşağıdakıları bildirib.
Ölkə.Az xəbər verir ki, bununla bağlı Dailykarabakh-ın sorğusuna cavab olaraq Müdafiə Nazirliyinin mətbuat xidmətinindən bildirilib ki, S.Ohanyanın Azərbaycana güzəştə getməyəcəyi haqqında düşündüyü hər qarış Azərbaycan torpağı erməni əsgərlərinin qanı tökülməklə azad olunacaqdır.
Məlumatda qeyd olunub ki, münaqişənin sülh yolu ilə yeganə həlli isə Ermənistan silahlı qüvvələrinin işğal olunmuş ərazilərimizdən birdəfəlik və qeyd-şərtsiz çıxarılmasındadır: "Əks təqdirdə Azərbaycan xalqının təkidi, Ali Baş Komandanın əmri və Ordumuzun qüdrəti ilə işğal olunmuş torpaqlarımız düşməndən azad ediləcək, ərazi bütövlüyümüz və suverenliyimiz təmin olunacaqdır".
