Bakıda baş verən partlayışın səbəbi məlum oldu
Ötən gün Bakı şəhəri, Şərifzadə 20 ünvanında baş vermiş partlayışın səbəbi məlum olub - partlayış qaz sızması səbəbindən baş verib.
Daxili İşlər Nazirliyindən (DİN) Ölkə.Az-a verilən məlumata görə, hadisə Yasamal rayonu, İnşaatçılar prospektində yerləşən banklardan birinə (“Xalq Bank” – red.) məxsus ümumi sahəsi 80 kv/m olan nasosxanada qeydə alınıb.
Partlayış nəticəsində 40 kv/m ərazi uçub. Hadisə zamanı ərazidən keçən Bakı şəhər sakinləri – Gülxar Quliyeva, Namiq Səmədov və Əli Babayev xəsarət alıblar. Xəsarət alanlara yerində ilkin tibbi yardım göstərilib.
Nazirlikdən həmçinin bildirilib ki, baş verən partlayış nəticəsində çoxlu sayda avtomobilə ziyan dəyib, bir gözəllik salonu, bir aptek və bir evin pəncərələri sınıb.
Faktla bağlı araşdırma aparılır.
Qeyd edək ki, hadisə ilə bağlı yayılan ilk məlumatda partlayış baş verən tikilinin banka məxsus olduğu bildirilsə də, sonradan bank rəsmiləri bu məlumatı təzkib etmişdilər.
