Nazir: Gənclərin fəallığı artırılmalıdır

“Biz daha rəngarəng planet üçün səylərimizi əsirgəməməliyik”.

Dünyanın olduqca fərqliliyi və müxtəlifliyi əslində planetin daha füsunkar olmasını təmin edir. Ona görə də biz daha rəngarəng planet üçün səylərimizi əsirgəməməliyik.

Ölkə.Az xəbər verir ki, bunu mədəniyyət və turizm naziri Əbülfəs Qarayev BMT Sivilizasiyalar Alyansının Bakıda keçirilən 7-ci Qlobal Forumu çərçivəsində Gənclər forumunun bağlanışında deyib.

O bildirib  ki, dünyanın fərqliliyi və müxtəlifliyi əslində planetin daha füsunkar olmasını təmin edir: 

“Ona görə də biz daha rəngarəng planet üçün səylərimizi əsirgəməməliyik. Azərbaycan tarixən müxtəlif millətlərin, xalqların, dinlərin nümayəndələrinin fikirlərinə hörmətlə yanaşıb”.

Ə.Qarayev bildirib ki, Azərbaycanda da minlərlə gənc müharibə nəticəsində valideynlərini itirib.

Nazir dünyada problemlərin və münaqişələrin qarşısını almaq üçün gənclərin fəallığının artırılmasının vacibliyini qeyd edib.