İlham Əliyevlə Sarkisyanın görüşü gözlənilir

ATƏT-in Minsk qrupunun həmsədrləri Azərbaycan və Ermənistan prezidentlərinin görüşünün təşkili üzərində çalışırlar.

Ölkə.Az anspress-ə istinadən xəbər verir ki, bu barədə ATƏT-in Minsk qrupunun Fransadan olan həmsədri Pyer Andrie məlumat verib.

"Biz hər iki ölkənin prezidentləriylə görüşdük və indi biz prezidentlərin görüşünü təşkil etməyə çalışırıq", - deyə Pyer Andrie qeyd edib.

Hazırda həmsədrlərdə regiona səfər haqqında konkret plan yoxdur. Andrie danışıqlar prosesinə mümkün qədər tez başlamaq ehtiyacının olduğunu vurğulayıb.

Daha əvvəl prezidentlərin görüşü haqqında Ermənistan prezidentinin mətbuat katibi Vladimir Akopyan danışıb. “Erməni tərəfi Qarabağ">Dağlıq Qarabağ münaqişəsinin nizama salınması üzrə yüksək səviyyədə görüşün mümkünlüyünü və vaxtını ATƏT-in Minsk qrupunun həmsədrləri ilə müzakirə etməyib” - deyə Akopyan bildirib.

Vladimir Akopyan Rusiya prezidenti Vladimir Putinin Qarabağ">Dağlıq Qarabağ münaqişəsinin tənzimlənməsi üzrə görüşün təşkil edilməsi təşəbbüsü ilə bağlı məlumatı təkzib etməyib