ABŞ atəşkəsin pozulmasına reaksiya verdi
“Dağlıq Qarabağ münaqişəsinin hərbi yolla həlli yoxdur”.
Ölkə.Az Trend-ə istinadən bildirir ki, bunu ABŞ dövlət departamentinin rəsmi nümayəndəsi Mark Toner brifinq zamanı deyib.
Toner qeyd edib ki, Dağlıq Qarabağda qoşunların təmas xəttində gərginlik hələ də davam edir: "Bizim ATƏT-in Minsk qrupunun həmsədri regiona səfər edib. Biz hər iki hökumət, münaqişənin hər iki tərəfi ilə təmasda olmuşuq. Biz Dağlıq Qarabağ münaqişəsi zonasında qoşunların təmas xətti boyunca hər hansı zorakılığı ən qəti şəkildə pisləyirik və tezliklə sülh prosesi görmək istəyirik".
