Çarli Çaplin haqda bilmədikləriniz
Yəqin ki, səssiz filmlərin unudulmaz qəhrəmanı Çarli Çaplin haqda eşitməyən yoxdur. Film sahəsinin dahisi hesab olunan Çaplin artıq yüz ildən çoxdur ki, yaddaşlarda qalmağa davam edir.
Beləliklə Ölkə.Az sizə Çarli Çaplinin həyatından maraqlı faktları təqdim edir.
- Çarliz Spenser (Çarli) Çaplin kasıb aktyor ailəsində doğulub. Atası onları hələ körpə ikən tərk edir və Çarli 5 yaşındaykən səsini itirən anasını teatrda əvəz edir. Anası psixiatrik klinikaya yerləşdiriləndən sonra qardaşı ilə kimsəsizlər evinə verilir. Onlar burada özlərini dolandırmalı və pul qazanmalı olurlar. Həyatının keşməkeşli olan bu hissəsi sonralar filmləri üçün material olacaq.
- Onun uğura inandıran həyat hekayələrindən biri çıxışlarının birində film prodüseri Mak Sennet tərəfindən kəşf olunur. Belə ki, ilk müqaviləsini bağlayaraq filmdə ilk rolununu alan Çapli ona yad olan bu mühitə uyğunlaşa bilmir. Və Sennet 25 yaşında məşhurluğun zirvəsinə çatacaq, gələcəkdə film tarixinin ən dahi şəxsiyyəti hesab olunacaq Çarli Çaplini öz komandasına alaraq böyük səhv etdiyini dilə gətirir.
- Çaplin 14 yaşında ilk rolunu almasına baxmayaraq, yalnız 16 yaşında yazıb oxumağı öyrənir.
- Çarli Çaplin mavi gözlü, solaxay və 1.65 boylarında biri olub.
- Onun ata nənəsi qaraçı nəslindən olur və aktyor daima bununla fəxr etdiyini dilə gətirir. Lakin onun bu hadisəni şəxsi bioqrafiyasında “ailə şkafındakı skelet” kimi təsvir etməsi bəzi ziddiyyətlər doğurur.
- O, komediya janrında çəkilmiş filmləri ilə və xüsusən də “avara” obrazı ilə məşhurlaşaraq bütün dünyada geniş tamaşaçı kütləsi toplayır. Çaplin öz qəhrəmanı haqda bunları deyib: "O, ziyalı manerası olan dilənçidir. Sillə alandan sonra ilk növbədə başındakı şlyapasını düzəldir".
- Çarli Çaplin şəkli jurnalın üz qabığında yerləşdirilmiş ilk aktyordur. 1925-ci ildə bunu "Time" jurnalı edib.
- O gizlicə özünün oxşarları (avara obrazı) müsabiqəsinə qatılıb. Maraqlısı budur ki, bu müsabiqədə o finala düşə bilməyib.
- Onun 4 evliliyindən 12 uşağı olub.
- Gənc qadınlara olan marağına görə çoxlu qalmaqallarla üzləşən aktyorun evləndiyi qadınlar arasında ən yaşlısının 19 yaşı var idi. Deyilənlərə görə o, öz həqiqi məhəbbətini 54 yaşında tapıb.
- Uşaqlarının bəziləri özlərini aktyor kimi sınayıblar. Onların arasında yalnız Ceraldina Çaplin daha böyük uğur qazanıb.
- Başqa bir maraqlı fakt isə aktyorun 40 ildən artıq Amerikada yaşayıb işləməsinə baxmayaraq vətəndaşlığı ala bilməməsidir. Çətin fəndlər və təhlükəli epizodlara baxmayaraq filmlərinin çəkilişləri zamanı cəmi bir dəfə bədbəxt hadisə baş verib. “Sakit küçələr” filminin çəkilişi zamanı Çaplin zədə alır.
- Çaplin çəkdiyi filmlərdən 10,5 milyon dollara yaxın pul qazanıb.
- 1927-ci ildə səsli filmlər meydana gəlsə də Çaplin səssiz filmlərə sadiqliyini qoruyub saxlayır. Onun ilk səsli filmi 1940-cı ildə “Böyük diktator” filmi olur. Və bu filmlə ölməz “avara” obrazı ilk və son dəfə səsli obrazda oynayır.
- O, filmlərinin bəstəkarı, rejisoru, ssenari müəllifi və həm də aktyoru idi.
- Təəccübludur ki Çarli Çaplin aktyorluq sənətinə görə bir dəfə belə olsun "Oskar" almayıb. Bu mükafatı ona yalnız filmdəki ən yaxşı musiqiyə və film tarixində olan xidmətlərinə görə verilib.
- Çaplin iki dəfə dəfn edilib. Belə ki, oğrular onun tabutunu oğurlayaraq külli miqdarda pul tələb edirlər. Yalnız 11 həftədən sonra polislər oğruları tutmağa və cəsədi geri almağa müvəffəq olub. Yenidən bu kimi halların yaşanmaması üçün qəbiri torpaqla deyil, betonla örtüblər.
Dahi aktyorun müdrik və unudulmaz sitatlarından bir neçəsini təqdim edirik:
- Mən şablon adlanan anlayışdan qorxmuram. Həyat özü başdan-başa şablondur.
- Biz hamımız yaşayır ölürük, gündə 3 dəfə yemək yeyir, sevir və unuduruq.
- Həyat geniş planda baxsan faciə, yaxından isə komediyadır.
- Filləri sevmirəm: bu qədər güclü olmaqlarına baxmayaraq, bu qədər də sözə baxandırlar.
- Kim ki, heç vaxt uşaq olmayıb, demək heç vaxt böyük olmayacaq.
- Bütün məsələ səmimiyyətdədir. Yaşlı kişi banan qabığını ayaqlayaraq yıxılanda biz gülmürük. Lakin əgər bu sərxoş və varlı bir centilmenin başına gələrsə biz buna ucadan güləcəyik.
- Ziqmund Freyddən fərqli olaraq mən seksin insan üçün əsas müəyyənləşdirici faktor olduğuna inanmıram. Hesab edirəm ki, aclıq, soyuq və yoxsulluq insanın psixologiyasını daha çox müəyyən edir.
- Mənim kədərim kiminsə gülüşünə səbəb ola bilər, amma mənim gülüşüm heç vaxt kiminsə kədərinə səbəb olmamalıdır.
- Mübahisəsiz həyat çox maraqsız olardı. Yaşayan hər şey müzakirə tələb edir.
- Səsli filmlərin erası gələndə mənim qəhrəmanım Çarlinin sonu çatdı. Mənim onun necə səsi olduğu haqda heç bir təsəvvürüm yoxdur.
- İnsanın əsl xarakteri o sərxoşkən üzə çıxır.
- Güzgü mənim ən yaxşı dostumdur. Çünki mən ağlayanda o heç vaxt gülmür.
- Bir qətl insanı qatil edir. Milyonlarla qətil isə qəhrəman. Bütün məsələ miqyasdadır.
- Biri qarşında ağılı rolunu oynayır? Sən də ağılsızı oyna. Sonra həqiqi axmağı zövqlə izlə.
- Bizim bu günahkar dünyamızda heç nə əbədi deyil. Hətta bizim problemlərimiz belə.
- Məqsədiniz pislik etməkdirsə gücə ehtiyacınız olacaq. Qalan hər şey üçün sevgi yetər.
- Din, dil, milliyyət ayrıseçkiliyi olmayan bir dünya quraq.
- Dünya hər kəsə yetəcək böyüklükdədir. Ona görə də başqasının yerini tutmağa çalışmaqdansa öz yerini tap.
- Həyat məşqi olmayan bir teatrdır. Odur ki, bu alqışı olmayan teatrda pərdə enməmiş oxuyun, ağlayın, rəqs edin, gülün, aşiq olun. Həyatınızın hər anını dəyərləndirin.
