“Qarabağ”ın yeni transferi danışdı
Qarabağ”ın yeni transferi İnnosent Emeqara Azərbaycan klubuna keçidi ilə bağlı danışıb.
Isveçrəli futbolçu təmsilçimizdən təklif almadan öncə çempionatımızla bağlı heç bir məlumatınının olmadığını söyləyib:
“Azərbaycan çempionatına baxmamışdım, heç nədən xəbərim yox idi. Adi məlumatım da yox idi. Amma təklif gələndə o dəqiqə "yox" da demədim. Maraqlandım, Bakını internetdə axtarıb tapdım. Baxıb gördüm ki, gedəcəyim şəhər kifayət qədər gözəldi. Sonra da komandayla maraqlandım. Gözlədiyimdən də uğurlu komanda olduğunu bildim "Qarabağ"ın. Mənə təzə təklif göndərmişdilər ki, Avroliqada qrup mərhələsinə düşdülər. Təəssüf ki, Avroliqada oynaya bilməyəcəm. Üzvü olduğum komandanın belə bir turnirdə iştirakı da mənimçün müsbət haldı. Karyeram üçün əsas odu ki, "Qarabağ" öz ölkəsində də iddialıdı və mənim də titul qazanmaq imkanım var”. (fanat.az)
