4 ölkə "Boko Haram"a qarşı birləşdi

4 Afrika ölkəsi - Nigeriya, Niger, Çad və Kamerun "Boko Haram" radikal qruplaşması ilə mübarizə aparmaq üçün birləşmiş ordu qruplaşması yaratmağa dair razılığa gəlib. Əsasən, Nigeriyanın şimalında fəaliyyət göstərən qruplaşmaya qarşı hər ölkədən 700 hərbçi cəlb ediləcək. 

Nigeriyada artıq minlərlə insan "Boko Haram"ın törətdiyi terror aktlarının qurbanı olub, bir neçə ay əvvəl döyüşçülərin girov götürdüyü 200-dən çox məktəbli qız isə hələ də azad edilməyib. 

"Boko Haram"ın təsiri Çad gölü ətrafındakı bütün regiona yayıldığından, Kamerun, Çad və Niger də radikal qruplaşma ilə mübarizədə Nigeriyanı dəstəkləyir.

Ölkə.Az