Qərb Rusiyanın \"Ukrayna planı\"nı rədd etdi
BMT Təhlükəsizlik Şurası Rusiyanın "Ukrayna planı" üzrə konsensusa gələ bilməyib.
Ölkə.Az xəbər verir ki, Rusiyanın BMT-dəki daimi nümayəndəsi Vitali Çurkin bunun məsuliyyətini ABŞ və Britaniyanın üzərinə qoyub.
Rusiyanın BMT Təhlükəsizlik Şurasına təqdim etdiyi sənəddə 2014-cü ilin may ayının 2-də Odessada baş vermiş faciənin araşdırılması nəzərdə tutulurdu. ABŞ və Britaniya isə bu məsələnin Təhlükəsizlik Şurasının gündəliyinə salınmasına etiraz ediblər.
Xatırladırıq ki, 2 il əvvə Odessa şəhərində ruspərəstlərlə qərbpərəstlər arasında baş vermiş qarşıdurma zamanı Həmkarlar Təşkilatları Evində yanğın olmuş və bunun nəticəsində onlarla insan diri-diri yanmışdı.
