\"Eurovision\" rəsmiləri üzr istəməli oldu

Kosovo bayrağının Avroviziya (Eurovision) mahnı müsabiqəsində qadağan edilmiş bayraqlar siyahısında İŞİD bayrağı ilə birlikdə yer almasına verilən sərt reaksiyalardan sonra Avroviziya rəsmiləri Kosovodan üzr istəyib.

Ölkə.Az xəbər verir ki, Kosovo bayrağının Avroviziya mahnı müsabiqəsində Krım, "DQR", Bask bölgəsi və İŞİD bayrağı ilə eyni qadağalı bayraqlar siyahısında yer almasına gələn reaksiyalardan sonra EBU və Avroviziya rəsmiləri Kosovodan üzrxahlıq etsələr də Kosovo bayrağını qadağan edilmiş bayraqlar siyahısından çıxartmayıblar.

Kosovo adından Avrovoziya rəsmilərinə etiraz məktubu göndərən Kosovo Xarici İşlər Naziri vəzifəsini müvəqqəti icra edən Perit Salimiye müsabiqəni təşkil edən şəxslər və EBU baş direktoru Ingrid Deltenre tərəfindən üzrxahlıq məktubu aldıqlarını açıqlayıb.

EBU baş direktoru Ingrid Deltenre göndərdiyi məktubda həmin siyahının səhvən yayınlandığını vurğulayıb və verilən narahatlığın fərqində olduqlarını bildirib.

Qeyd edək ki, Avroviziya rəsmiləri festival müddətində sadəcə iştirakçı 42 ölkənin və BMT-yə üzv ölkələrin bayraqlarına icazə veriləcəyini açıqlayıb. Həmçinin Qadağan olunmuş siyahıda qondarma Dağlıq Qarabağ Respublikasının bayrağı da var.

Ölkə.Az