Kerri: "Malayziya təyyarəsinin vurulmasında Rusiyanın əli var"

ABŞ dövlət katibi Con Kerri Şərqi Ukraynada Malayziya hava yollarına aid təyyarənin vurulmasında Rusiyanın əlinin olduğunu bildirib.

Şənbə günü verdiyi müsahibədə, ABŞ dövlət katibi, Rusiyadan məsuliyyəti öz üzərinə götürməyi tələb edib.

Kerri təyyarənin rusiyayönümlü separatçılar tərəfindən vurulduğunu bildirərək onlara belə güclü silahın Rusiya tərəfindən verildiyini qeyd edib.

Xatırladırıq ki, cümə axşamı vurulan Malyziya təyyarəsində 298 sərnişin ölmüşdü.

"Bu raket sistemini idarə edən separatçıların Rusiyada təlim almaları haqqında əlimizdə sənədləşdirilmiş sübutlar var. aydındır ki, Rusiya separatçıları dəstəkləyir, təlim keçir, silahla təmin edir və qızışdırır", deyə Kerri Rusiyanı açıqdan-açığa Ukraynada baş terror aktında günahlandırıb.

Daha sonra Kerry ABŞ hökumətinin Rusiyaya qarşı  "sərt addımlar" atmağa hazır olduğunu vurğulayıb.

Olke.az