Rus pilotu öldürən komandir azadlığa çıxdı
Türkiyə-Suriya sərhəddinə Rusiyaya məxsus Su-24 təyyarəsinin pilotunu öldürməkdə günahlandırılan və qanunsuz silah gəzdirdiyinə görə, saxlanılan Türkiyə vətəndaşı Alparslan Çeliyə qarşı ittihamlar ləğv edilib.
Alparslanın vəkili Serkan Kurtluş bildirib ki, türkmən komandirin günahsızlığını sübut edən yetərli dəlillər var.
Bu ilin martında Alparslan Çelik yoldaşları ilə birlikdə İzmirdə restoranların birində həbs olunub. Onlar bir nəfərin “restoranda silahlı adamlar var” - deyə polisə xəbər verməsindən sonra tutulublar. Aparılan araşdırma zamanı qrup üzvlərindən 1 kalaşnikov markalı tüfəng, 2 tapança və çoxlu sayda mərmi müsadirə edilib.
Bununla bərabər 14 nəfər də ifadəsinin alınması üçün nəzarətə götürülüb. Suriyada Bayır-Bucaq türkmənlərinin yanında Türkməndağındakı Əsəd rejiminə qarşı döyüşən Alparslan Çelik təyyarənin pilotunun öldürülməsindən sonra Rusiya kəşfiyyat orqanlarının hədəfinə çevrilib.
2015-ci il noyabrın 24 də Türkiyə sərhədini pozduğu üçün Rusiyanın Su 24 təyyarəsi Türkiyə-Suriya sərhədində vurulub. Bundan sonra ölkələr arasında vəziyyət gərginləşər.
