Yük maşını çiyələk daşıyan avtomobilləri vurdu

Cəlilabad rayonundan paytaxta istiqamətlənən və içərisində tonlarla çiyələk olan iki yük maşını Ələt-Astara yolunun 48-ci kilometrliyində texniki nasazlığıa görə dayanmaq məcburiyyətində qalıb.

Hadisə vaxtı iki Ford markalı yük maşını bir birinin ardınca yolun sağ tərəfində park halında olub.

Bu zaman arxadan gələn kamaz markalı yük maşını hər iki nəqliyyat vasitəsinə çırpılıb. Toqquşamının gücündən Fordlardan biri bir neçə dövrə vurub dayansa da, digər yük maşını ilə birgə yoldan çıxaraq dərəyə yuvarlanıb.

Qəza nəticəsində hər iki Fordun sürücüsü xəsarət alıb. Bundan əlavə, maşınlarda olan xüsusui vedrələrə yiğılan çiyələklər yola dağılıb.

Hadisə vaxtı əzilən maşınlar isə yarasız hala düşüb. Ətrafa dağılan çiyələk vedrələri isə digər nəqliyyat vasitəsinə yüklənərək ərazidən uzaqlaşdırılıb

Qəzanı törədən KamAZ-ın sürücüsü sərxoşluq müayinəsi üçün polislər tərəfindən tibbi müayinəyə aparılıb. Onun yuxulu və ya siprtli içkili olması isə araşıdırmaların gedişi zamanı ortaya çıxacaq.

Anspress.com