Xoşqədəm Hidayətqızı əkiz anası oldu
Türkiyəli müğənni Doğuşla ailəli olan tanınmış teleaparıcı Xoşqədəm Hidayətqızı ikinci dəfə ana olub.
Ölkə.Az xəbər verir ki, cütlüyün əkizləri dünyaya gəlib. Şişli Kolan İnternational Xəstəxanasında dünyaya göz açan körpələrin və ananın səhhəti normaldır.
Sevindirici xəbər barədə ilk olaraq türk müğənni Demet Akalın məlumat verib. Müğənni Doğuşu və Xoşqədəm Hidayətqızını şəxsi "Twitter" səhifəsində təbrik edib.
Əkizlərinin beşiyinin fotosunu sosial şəbəkədə paylaşan aparıcı onu təbrik edənlərə təşəkkürünü bildirib:“Bizi təbrik edən dostlarımız, yaxınlarımız, xoş sözləriniz, dualarınız üçün sizə minnətdarlığımızı bildirirk. Rəbbim bütün övlad yolu gözləyən valideynləri sevindirsin”.
Qeyd edək ki, X.Hidayətqızı Doğuşla 2014-cü ilin oktyabrda ailə həyatı qurub. Telejurnalistin ilk evliliyindən bir oğlu var.
